o viticologo dos bagos

Non hai muito seria correcto empezar falando deste Régoa da anada do 2006 dicindo que é un Amandi e seguir co resto das suas características, pero no tempo que andamos ou estamos a piques de arrancar, tempo polo que discurren os viños das zonas máis importantes do mundo, aos que se sumarán os galegos case sen que a maioria dos consumidores d´aquí se den conta, incluso os máis culturizados pero coa mente fora e os complexos dentro, de feito seguirán cos prexuizos de antano tempo despois de aquelo acontecer. Esos tempos demandan maior concrección.

O Régoa ven de Cadeiras – Sampil – Piñol en Sober, Amandi, Ribeiras do Sil, Ribeira Sacra, e se pudera nomearia a viña/s que deron orixen ós bagos, neste caso Albarello e Mencia, dos que provén este tinto de 14º que pasou oito meses en barricas troncocónicas de carballo do bosque de Allier, nas que tamén fermentou. Alí esas cepas atopanse nuns espectaculares socalcos de solos lousados e areosos que en vertixinosa pendente do 80% chegan ate as beiras do Sil.

Tuven coñecemento deste viño grazas a Fernando Filgueira na sua viñoteca Bagos, que me fixo a boca auga coa descripción do seu viñedo. En canto teña uns dias penso acercarme por esa marabillosa arquitectura natural de viña. Máis tranquilamente foi degustado grazas a Marina Cruces da Viñoteca de Garcia, situada na antiga rua das adegas que pasa por diante da Catedral de Tui. Viños e tapas nun ambiente agarimoso que os terceiros xoves de cada mes enchese de jazz en directo.

Tinto ben cuberto de cor con aromas nítidos que nos chegan suavemente a xeito de fruita vermella e de baias, de flor azúl mesturada co regaliz e outras especias dunha madeira ben integrada neste ambiente, que tamén se manifesta con alguns torrefactos, estos mesturados cos recordos terrosos do seu solo e un aire balsámico. Auna potencia e frescor a partes iguais nunha boca de frutalidade golosa.