Ladairo

Monterrei é a única d.o. galega non debedora do Miño, as augas que regan as suas terriñas rematan, despois de atravesar Tras os Montes, no Douro máis galego. Este feito xunguido a posuir o clima máis seco do Pais define o estilo dos seus viños, sobre todo nos tintos. O carácter máis atlántico dos viños da vertente miñota permite trazar un fio argumental entre elas que ó falar de Monterrei transformase nuns aires durienses cargados dun atlántico mediterraneizado.

Entre os viños que elabora a adega Ladairo na parroquia de O Rosal en Oimbra este é o de elaboración máis seleccionada: as viñas máis antigas de mencia, arauxa e bastardo, que pasan unha crianza de oito meses en barricas novas, de un e de dous usos de carballo francés.

É lóxico poñer a procedencia e orixen do viño, determina o seu carácter, incluso o nome dos bagos que nel interveñen, indica a sua personalidade, pero resaltar do xeito que o fai este viño o recipiente no que pasou oito meses é sobrevalorar, case por enriba dos anteriores, a sua importancia.

p1000814

Denso pero agarimoso, abraza o padal co cálido frescor da seda … galega. Acereixado con fruita e flor rodeados da cremosidade e o ambiente especiado do carballo, daquelas carballeiras que se extenden envolvendo as leiras coas fruitas vermellas e as flores azuis e as corredoiras pedregosas.

Os comentarios están pechados.