Alma de branco

Impedir que as nosas castes máis nobres estendan a súa presenza a outras zonas que buscan suplementar con elas as carencias das súas variedades, sen os atributos das nosas, ou a súa ausencia, ou simplesmente aproveitarse da sua sona, non significa nin implica a excelencia dos viños con elas elaborados eiqui, como é natural, así podemos atopar moitos viños que expresan con máis ou menos acertos as características destas castes pero que as veces sérvennos para imaxinar eses posíbeis viños de alén das nosas denominacións.

O godello é a variedade considerada como principal para unha maioría das adegas de Monterrei que deste xeito elaboran viños monovarietais con ela, outras adegas prefiren buscar máis complexidade e seguir a tradición mesturándoa co resto das castes da zona: dona branca, verdello louro (treixadura), incluso coa monstruosa.

Este godello elaborado pola adega Pazo das Tapias en Pazos (Verín) representa fielmente todo o dito, por 5€

 pazo das tapiasalma de branco

Limpo e brillante, por suposto, con aromas frutais e florais amarelos, piña e mimosa, co tempo atenuase este primeiro impacto máis entusiasta para deixar paso a algo menos brioso como a froita branca acompañada do fiuncho e das herbas secas. Acercase guloso, pasa redondo e despídese co amargor característico desta variedade.

Os comentarios están pechados.