Terra Minei

Castrelo de Miño non é a zona do Ribeiro que acumule máis piropos adicados aos seus viños e ao seu viñedo, xa que entre outros motivos alí fora onde máis se estendera nesta denominación o Jerez ou palomino, e xa sabemos todos que viños brancos orixina esta variedade nestas terriñas, así a todo, coma en todas as cousas da vida, esta tamén ten as suas excepcións e unha delas é este viño branco de treixadura elaborado por Adegas Francisco Fernández, viño que nestes últimos anos foi acumulando diferentes galardóns coma algún acio na Cata Oficial dos viños de Galicia, distincións da asociación de sumilleres Gallaecia e premios na Feira do Viño do Ribeiro.

As veces, so as veces, un monovarietal de treixadura resulta máis complexo e agradecido que os tradicionais, e que así sigan sendo, plurivarietais do Ribeiro, como aconteceu con este Terra do Minei do 2008 probado na mesa que a denominación de orixe tiña cunha ducia de mostras de diferentas adegas nunhas xornadas de sumilleria en Valladolid. Máis logo degustado en casa.

terraminei1

Semella unha leira branca, luminosa, relucente polo sol, na que as flores e as froitas brancas reflicten, coma nunha procesión aromática inmaculada, a pura expresión da treixadura.

Suave, sedoso pero fresco e con carácter, equilibrado polo final lixeiramente amargoso que lle aporta a longura necesaria para que o seu gusto resulte en pracer de nos.

Os comentarios están pechados.