Val do Frade

ribeira do sil I

Segundo contan algúns autores os monxes cistercienses do mosteiro de Montederramo en Ourense almacenaban en Vilachá o viño que conseguían dos viñedos da zona coñecida coma Val do Frade. Esta aldea do concello de Pobra do Brollón en Lugo conta cun singular grupo de construccións realizadas en pedra granítica e lasas adicadas á producción e almacenamento de viño que son das máis antigas da península. Alí no mes de maio celebrase unha animada, coma se pode apreciar no video, feira do viño de Vilacha. Para non faltar o ano que ven.

AS ADEGAS

bodegasdevilacha_21

A SAT Os Emitaños elabora en Vilachá de Salvadur, na ribeira do Sil, alonxada de Quiroga e do Bibei pero pertencente a subzona de Quiroga – Bibei da Ribeira Sacra, o Val do Frade, este 2008 ten conseguido a medalla de ouro na última edición da Cata dos viños da Ribeira Sacra.

val do fradeO seu gusto… ou cando nin un grolo nin dous son suficientes porque o suave frescor que acariña o padal deixa en nos o pracer e as ganas de repetilos sen acumular o cansazo doutros viños, do mesmo xeito que a súa imaxe abrillantada polo atlántico é tan diferente á concentración apagada deses mesmos viños. Atrae a nosa vista e nos perde a claridade que ulimos: a limpa luz das fruitas vermellas e negras, a flor que se resiste a ser tapada por este fino manancial, polo xardín sobrecollido de fruita, pola andaina entre os pequenos matos, pola breve sensación das especias… O seu paso é un paseo dos que non cansan, adornado cos recordos que algún dia vivimos nas tardes luminosas do estío.

Para non esquecer foi a súa conversa coa paella mariña de calamares, ameixas e gambas que dona Laura nos preparou.

Os comentarios están pechados.