Levaba tempo con ganas de comer en Casa Marcelo e cando se decidiu que a seguinte Xantanza blogastronómica sería en Compostela, non tuven dúbidas en que por alí acabariamos emocionando ó padal, e deseguido enchendo o bandullo. O desexo acumulado era moito, e non fiquei mal, quero dicir desconsolado, ou coas espectativan diluidas na copa de viño, ou cunha pinga de non sei que, unha coma que engadir ou un acento que quitar… non, segundo iban pasando os pratos os sentidos recoñecían un algo máis ou un algo máis alá, e sen esperar comenzaron a transmitir as informacións que sen remedio acaban por emocionar, a conxunción de sensacións que fican gravadas na memoria, a sorte de ecuación mental que con diferentes factores sempre da como resultado Pracer.
Os viños que nos acompañaron foron o Tricó 07, ven sendo o mellor viño do Condado que teña probado ultimamente, de feito, eu que estes meses ando na procura dos viños que representen o que para min sería a esencia do Salnés, ou dalgunha das súas terriñas, se fixera o mesmo no Condado tería no Tricó o meu modelo, e na parte coloreada o Alan de Val Escada 06 (garnacha tintureira), viños densos e con forte personalidade os que orixinan as viñas vellas desta variedade en Valdeorras, nesta anada un chisco maduro.
Muito máis e mellor en: Capitulo cero, laconada, La caja de hilos, Pantagruel, Berta
Marcelo chega alá onde a emoción nos espera, o que sempre buscamos, onde queremos rematar.
Comments (4)
Esa frase final é o mellor resumo do que a cociña de Marcelo supón para min.
Unha cousa que quería comentar pero que non xurdiu durante a Xantanza era o tema dos viños Rias Baixas de añadas anteriores. Hai por un lado unha creenza xeralizada que só se pode tomar o viño do ano pasado, que o Rias Baixas non se pode gardar.
Por outro lado, en moitos restaurantes coma Marcelo (a nos tennos pasado en Yayo Daporta e en algún outro) teñen viños Rias Baixas de anos ben anteriores: 2008, 2007 e ata teño visto 2005 (nengún de eles criado en barrica nen nada do estilo). E ben saborosos que estaban.
¿Que opinión tedes vos no canto do viño branco do ano ou de deixalo coller repouso uns aniños? ¿A gusto do consumidor? ¿Algún consello ó respecto?
Non sei o que é o viño branco do ano, 365 dias ?, aproximadamente?, nin un máis nin un menos?
Repouso? máis ben evolución, vida.
2007?, dous anos é máis pouco que moito.
Beber sen prexuizos, se queres algo máis vivo ou exuberante pois novo, máis equilibrio e complexidade con tempo.
Mi ma, Antonio, eres galego… ¡¡de sobra!!
Pidíache un consello. Xa sei que non hai que ter prexuicios. Pero preferiría algún consello máis concreto.
A pregunta, se a queres mellor formulada: cando un compra unha botella de viño albariño e a garda na casa ¿podese gardar máis dun ano? ¿Non? ¿Se se garda nunha bóa bodega con temperatura constante podese alongar máis dun ano?
Trackback/Pingback (1)
[...] O Viticólogo dos Bagos [...]